Kakakin Firaministan Isra’ila Ze’ev Agmon Ya Yi Murabus daga mukaminsa adai dai lokacin da yaki yake kara tsananta Tsakanin Ƙasar Isra.il da Iran

Rahotanni daga kafafen yaɗa labarai na Isra’ila sun bayyana cewa Ze’ev Agmon, kakakin Firaministan Isra’ila Benjamin Netanyahu, ya yi murabus daga mukaminsa.

 

 

 

 

 

 

Wannan murabus ya zo ne a wani lokaci mai matuƙar muhimmanci ga Isra’ila, yayin da gwamnatin ƙasar ke fuskantar tsanantar rikicin yankin, da kuma ƙarin matsin lamba daga ƙasashen duniya. Duk da cewa ba a bayyana dalilin murabus ɗin a hukumance ba,

 

 

 

 

 

 

wannan lamari ya fara jawo hasashe da ce-ce-ku-ce kan yiwuwar samun sabani a cikin ofishin Firaministan ko kuma canjin dabarun tafiyar da gwamnati.

 

 

 

 

 

 

Agmon, wanda ya kasance babban jigo wajen sadarwa tsakanin gwamnatin Netanyahu da kafafen yaɗa labarai na cikin gida da na ƙasashen waje, ya taka muhimmiyar rawa wajen tsara saƙonnin gwamnati ga jama’a a wani lokaci da ake fuskantar ƙalubalen tsaro da kuma matsin lambar siyasa.

 

 

 

 

 

Masana harkokin siyasa na ganin cewa ficewar irin wannan mutum mai muhimmin matsayi na iya zama alamar cewa akwai matsaloli ko rikice-rikice a ɓoye a cikin gwamnati, musamman yayin da gwamnatin Netanyahu ke fuskantar suka mai yawa dangane da yadda take tafiyar da batutuwan tsaro da kuma alaƙar diflomasiyya.

 

 

 

Har yanzu dai, babu wata sanarwa a hukumance daga ofishin Firaministan da ke bayyana cikakken dalilin murabus ɗin ko kuma wanda zai maye gurbinsa nan take.

 

 

 

 

 

 

Lamarina. dai na ci gaba da ɗaukar sabon salo, kuma ana sa ran karin bayani zai fito nan gaba.